CELEBRACIÓN DO DÍA DO LIBRO. "OS TÍTULOS TAMÉN NARRAN."

Para celebrar o Día Mundial do Libro, propoxémoslle ao alumnado da ESO unha tarefa baixo o título Os títulos tamén narran que consistía en que buscasen diferentes libros, en calquera idioma, que tivesen pola casa, e a partir dos títulos debían de construír unha historia. Posteriormente deberían de gravarse e enviar os vídeos co seu relato.

Os resultados foron francamente moi bos.

Deixámosvos algunha mostra.

 Paula Díaz. 4º ESO

Lorena Meitín. 4º ESO

 Yanira. 3ºESO

 Lucas. 3º ESO

Emilia Barro. 2º ESO

Irene González. 2º ESO

Cristina Paleo. 2º ESO

Adrián González. 2º ESO

Diego Albo. 1º ESO 

Martín Canoura. 1º ESO 

Miguel Fra. 1º ESO 

Eva Louzao. 1º ESO 

Iago De Vicente. 1º ESO 

Dani Salgueiro. 1º ESO 

 Pilar López. A profe

LECTURAS EN LIÑA

Deixámosvos algúns enlaces para poder ler durante todo este período de confinamento. 

Lembrade que un bo xeito de pasar estes días na casa, sen deixar de construír o noso propio mundo cheo de historias interesantes, é LENDO.

Son de acceso libre e gratuíto.

GALICIALE

 BIVIR

ENCONTRO DO LIBRO Viaje al país de los blancos de Ousman Umar. APRAZADO.

Despois da suspensión das aulas presenciais por parte do goberno debido á situación da COVID-19, aprázase ata novo aviso, o encontro que tiñamos previsto o vindeiro día 27 de marzo para comentar a lectura do libro de Ousman Umar, Viaje al país de los blancos.

Recomendámosvos que sigades lendo durante todos estes días de confinamento. Axudaranos a pasar o tempo dun xeito máis livián.

Moito ánimo!!

CELEBRACIÓN DO DÍA DE ROSALÍA DE CASTRO

Como non podía ser doutro xeito, o alumnado do IES ILLA DE SARÓN celebrou o Día de Rosalía coa lectura pública de Cantares Gallegos  na entrada do propio instituto decorada con anterioridade con obxectos e libros da autora galega do Rexurdimento. Esta actividade realizouse en colaboración co Equipo de Dinamización Lingüística e o de Biblioteca.

Deixámosvos algunha fotografía que dá conta de distintos momentos da lectura en homenaxe a Rosalía de Castro.

OBRADOIRO LITERARIO DE ESCRITA CON PEDRO RAMOS

O día 28 de febreiro na Sala de Audiovisuais todo o alumnado da ESO tivo ocasión de asistir a un obradoiro literario de escrita con Pedro Ramos. Deulles unhas nocións básicas e a continuación puxéronas en práctica.

 

LECTURA DA VINDEIRA REUNIÓN: Viaje al país de los blancos.

Tal como acordamos na reunión do Club leremos o libro de Ousman Umar, Viaje al país de los blancos, para poñelo en común o vindeiro 27 de marzo de 2020. Trata dunha historia real vivida polo propio autor e as dificultades que tivo que pasar atravesando o Sahara ata chegar a España en busca dun futuro mellor.

Agardamos que gocedes con esta dura e extraordinaria historia.

XUNTANZA DO LIBRO MAMÁ, QUERO SER ZIGGY STARDUST de IRIA MISA

A posta en común do libro de Iria Misa, Mamá quero ser Ziggy Stardust, por parte do profesorado e o alumnado da ESO que participou foi francamente enriquecedora e a valoración da súa lectura foi moi positiva. Acordamos ler para a vindeira xuntanza o libro de Ousmar Umar, Viaje al país de los blancos.

Deixámosvos algunha fotografía do acto e opinión das/dos asistentes.

"Chamoume bastante a atención xa que ensinaba a aceptación e normalización do colectivo transexual. Moi bo libro."

Enma Buján Rouco.

"Esta novela gustoume moito polo feito de romper os temas tabús e ensinarlles aos nenos e nenas a aceptar aos demais, cada un pode ser como queira".

Miguel Fra Baltar.

 

 

"De momento é o que máis me gustou de todos os que lemos neste curso porque aprendin moito con el e porque a forma na que contan a historia tamén me gustou."

Cora Buján Rouco.

 

"Foi o libro que máis me gustou xa que me parece que trata temas moi actuais , e aínda por riba é entretido. Paréceme que normaliza moito situacións que xa deberían de estar normalizadas, pero, por desgraza, non o están."  

Eva Louzao Casas.

"Aínda que é libro pensado para un público xuvenil, a historia da protagonista tívome cautiva desde o primeiro momento. As reaccións dos amigos e da familia son tan diversos que é imposible non poñerte en situación.Como reaccionaría se tivese un fillo/a vivindo esa situación?"

Charo Canoura.

 "Paréceme un libro máis recomendable para alumnos máis novos. A min resultoume algo infantil, pero, pensando neles, si que é altamente recomendable, xa que trata un tema que, ás veces  é invisibilizado na nosa sociedade, e invita a que o vexamos de xeito normal. Non é que me tivese enganchada pero, repito, moi recomendable para alumnos de 1º de ESO pola temática tratada."

Sara Nóvoa.

“Encantoume por todo: temática, ilustracións, narrativa…” 

Sara Jul