CONTO AUDIOVISUAL DE UNICEF: "CONTAXIO"

Déixovos este conto audiovisual de UNICEF que acabo de atopar na rede. Pareceume moi bo, por iso me gustaría que o escoitarades con atención. 

É un conto para fomentar a cultura e a educación infantil nos tempos da COVID-19.

Está promovido por UNICEF onde un amplo elenco de actores e actrices galegas participaron na narración do conto de María Solar, Ledicia Costas e Fran Alonso. Está ilustrado por Leandro Lamas.

Con este conto audiovisual as/os seus autoras/-es fannos viaxar polo dicionario para que vaiamos descubrindo os sentimentos da palabras "contaxio" nestes tempos de pandemia e como se vai relacionando con outras moitas palabras como "medo" ou "inxustiza". 

Anímovos a que vos mergulledes nesta apaixonante viaxe.

POSIBLES LOGOTIPOS PARA O NOSO CLUB DE LECTURA

Como xa está a piques de rematar o curso e non nos deu tempo a consensuar o logotipo para o noso Club de lectura Papel e tinta, déixovos aquí os que me fostes achegando para que os vexades e así, ao comezo do vindeiro curso, que esperamos que non nos traia tanto confinamento, poidamos escollelo.

Se vos apetece, ao longo do verán tamén podedes seguir enviando máis logos. 

Cantos máis teñamos onde escoller, mellor!!

Logo aportado por Joel Míguez. 3º ESO:

Aportado por Cora e Martín de 1º ESO

Este facilitouno a profe Pilar.

ENCONTRO POR VIDEOCONFERENCIA PARA POÑER EN COMÚN A LECTURA DO LIBRO Viaje al país de los blancos de Ousman Umar

Como aínda seguimos sen poder voltar ás aulas de xeito presencial, levamos a cabo un encontro por videoconferencia co alumnado e o profesorado integrante do Club de Lectura Papel e tinta para poñer en común a lectura do libro Viaje al país de los blancos de Ousman Umar. 

Ao finalizar visionamos un vídeo de BBVA Aprendemos juntos onde o autor nos conta o difícil periplo que tivo que vivir ata chegar a España en busca dun futuro mellor.

Salientamos unha frase de Ousman Umar que nos parece moi importante: 

"La educación es el motor de la transformación de cualquier sociedad". 

Ousman Umar

 Deixámosvos algunhas fotografías do evento telemático, así como as opinións expresadas por algúns asistentes.

“Gustoume moito porque o protagonista sofre pero pode saír adiante; tamén é un libro que trata a súa supervivencia e máis a dos seus compañeiros.”

Miguel Fra Baltar

"O libro Viaje al país de los blancos fíxome reflexionar, xa que estamos ante unha historia real contada polo propio home que viviu os feitos. Creo que é un libro que moita xente debería ler, e poñerse no seu lugar."

Enma Buján Rouco

"Este libro gustoume moito porque é un libro de aprendizaxe que todos deberiamos ler."

Cora Buján Rouco

"Estamos ante unha historia real. Unha situación similar viviuna un dos alumnos que tivemos o curso pasado no instituto. Durante a lectura do libro a cara do protagonista foi sempre a do meu alumno. Escrita de maneira moi sinxela é unha historia que me enganchou."

Charo 

“Gustoume como está escrito, é moi realista”. Sara Jul

"Persoalmente este libro encantoume. Pareceume que nos achega a unha realidade, para moitos descoñecida, dunha maneira moi cercana e fácil de comprender."

Karen Ramos

Enlace ao vídeo de Ousman Umar:

https://www.youtube.com/watch?v=sXhA8MbaaZA&t=49s