Mostrando entradas con la etiqueta ESO. Mostrar todas las entradas
Mostrando entradas con la etiqueta ESO. Mostrar todas las entradas

2.6.20

ENCONTRO POR VIDEOCONFERENCIA PARA POÑER EN COMÚN A LECTURA DO LIBRO Viaje al país de los blancos de Ousman Umar

Como aínda seguimos sen poder voltar ás aulas de xeito presencial, levamos a cabo un encontro por videoconferencia co alumnado e o profesorado integrante do Club de Lectura Papel e tinta para poñer en común a lectura do libro Viaje al país de los blancos de Ousman Umar. 
Ao finalizar visionamos un vídeo de BBVA Aprendemos juntos onde o autor nos conta o difícil periplo que tivo que vivir ata chegar a España en busca dun futuro mellor.

Salientamos unha frase de Ousman Umar que nos parece moi importante: 
"La educación es el motor de la transformación de cualquier sociedad". 
Ousman Umar
 Deixámosvos algunhas fotografías do evento telemático, así como as opinións expresadas por algúns asistentes.


“Gustoume moito porque o protagonista sofre pero pode saír adiante; tamén é un libro que trata a súa supervivencia e máis a dos seus compañeiros.”

Miguel Fra Baltar





"O libro Viaje al país de los blancos fíxome reflexionar, xa que estamos ante unha historia real contada polo propio home que viviu os feitos. Creo que é un libro que moita xente debería ler, e poñerse no seu lugar."
Enma Buján Rouco


"Este libro gustoume moito porque é un libro de aprendizaxe que todos deberiamos ler."

Cora Buján Rouco



"Estamos ante unha historia real. Unha situación similar viviuna un dos alumnos que tivemos o curso pasado no instituto. Durante a lectura do libro a cara do protagonista foi sempre a do meu alumno. Escrita de maneira moi sinxela é unha historia que me enganchou."
Charo 




“Gustoume como está escrito, é moi realista”. Sara Jul




"Persoalmente este libro encantoume. Pareceume que nos achega a unha realidade, para moitos descoñecida, dunha maneira moi cercana e fácil de comprender."
Karen Ramos







Enlace ao vídeo de Ousman Umar:








 

16.5.20

DIA DAS LETRAS GALEGAS: Ricardo Carvalho Calero

Despois de traballar durante estes días sobre a vida e a obra de Ricardo Carvalho Calero, imos comprobar canto aprendestes do autor homenaxeado este ano polas Letras Galegas, considerado un dos mellores polígrafos galegos do século XX. Ademais, se vos apetece volver realizar o autodefinido e o xogo de acertos sobre Ricardo Carvalho Calero, podedes picar nesas palabras.

Escoitade os vídeos que realizaron os CPI dos Dices da Coruña  e CPI San Pío X de Ourense e respondede  as preguntas que figuran a seguir.

A ver quen acerta máis respostas!!! Moito ánimo!!!


3.3.20

CELEBRACIÓN DO DÍA DE ROSALÍA DE CASTRO

Como non podía ser doutro xeito, o alumnado do IES ILLA DE SARÓN celebrou o Día de Rosalía coa lectura pública de Cantares Gallegos  na entrada do propio instituto decorada con anterioridade con obxectos e libros da autora galega do Rexurdimento. Esta actividade realizouse en colaboración co Equipo de Dinamización Lingüística e o de Biblioteca.

Deixámosvos algunha fotografía que dá conta de distintos momentos da lectura en homenaxe a Rosalía de Castro.





















20.2.20

LECTURA DA VINDEIRA REUNIÓN: Viaje al país de los blancos.

Tal como acordamos na reunión do Club leremos o libro de Ousman Umar, Viaje al país de los blancos, para poñelo en común o vindeiro 27 de marzo de 2020. Trata dunha historia real vivida polo propio autor e as dificultades que tivo que pasar atravesando o Sahara ata chegar a España en busca dun futuro mellor.
Agardamos que gocedes con esta dura e extraordinaria historia.


30.10.19

CELEBRACIÓN DO SAMAÍN

Nos últimos días o alumnado da ESO estivo a redactar os seus relatos de terror, medo ou intriga para celebrarmos o SAMAÍN. Convocamos un concurso no que as/os gañadoras /-es ademais de levaren un diploma acreditativo, acadaron doces elaborados polo alumnado de 4ºESO e un agasallo sorpresa.
Parabéns ás/aos gañadoras/-es!!















27.9.19

PRIMEIRA REUNIÓN DO CLUB DE LECTURA

Estás interesado en participar nun club de lectura do IES ILLA DE SARÓN?
Se é así, participa na reunión o vindeiro día 4 de outubro ás 10:30 na Biblioteca. Está aberta a toda a comunidade educativa (alumnado, profesorado, familias e persoal non docente)
Anímate e participa.

CONTO AUDIOVISUAL DE UNICEF: "CONTAXIO"

Déixovos este conto audiovisual de UNICEF que acabo de atopar na rede. Pareceume moi bo, por iso me gustaría que o escoitarades con atención...